رواية خادمة قلبي الفصل التاسع 9 الجزء الثاني بقلم زهرة عصام

 رواية خادمة قلبي الفصل التاسع 9 الجزء الثاني بقلم زهرة عصام

رواية خادمة قلبي 2 الحلقة التاسعة

حازم اية بس اللي أحبه دا واحد ماشي ورا أخواته انا متفقة مع أخويا من الأول هنقلبه في قرشين و اضربله الصابونة

حازم اتصدم و ملك عنيها وسعت و ماهي برقت و ثبتت مكانها

ماهي في نفسها:-

ينهار منيل دا انا هيتعمل مني بطاطس محمرة

حازم مبقاش شايف حاجه و نزل ملوك على الأرض و متنح

ملك بصت عليه كدا و بصت لـ مالك اللي بيبص ليه بحسره و قالت:-

فتك بعافية بقي يا مالك و رحمة أبويا ما هسيبها و بقت تقرب من ملك بهدوء

منال راحت عند حازم و حضنته و هي بتقول:-

اتكلم يا حازم اوعي تسكت كدا أبدا

 

 

حازم عينه اتملت دموع و مش راضية تنزل و فجأة كلهم فاقوا على صوت صر.اخ ماهي

الكل بص ناحيتها لقوا ملك مسكاها من شعرها و هي بتقول:-

و انتي يختي فرحانة بالشعرتين دول و ماشية عملاهم عرض للي يسوي و اللي ميسواش تعالي يا حيليتها بقي انتي يا بنت الصر’مة انتي عاوزه تكسري أخويا لا عاش ولا كان اللي يعمل كدا

مالك بصلهم و قال:-

أول مرة مش همنعك يا ملك دوسي يا بنتي و ربنا ينصرك

ملك بفرحة:- خدت تصريح من ملوكي

و بصت لـ ماهي و قالت:-

تعالي بقي عشان أنا مخنوقة منك من ساعة ما شفتك و عمالة أصبر نفسي عشان خاطر الواد و أقولك يا بت استحملي عشانه لحد ما طهقت من اللي جابو.كي بدري و رمتها على الأرض و قعدت فوقها و بقت تضر.ت و تعض فيها

منه شافت الخنا.قة شغالة كرامتها نقحت عليها و قالت:-

اختشي حبيبتشي بتاخد حق الواد حازم و أنا هقف اتفرج كدا طب وربنا ما يحصل

و جريت على جوه جابت ايد المقشة و راحت عندهم و قالت:-

خديلك جمب انتي بقي يا ملك الدور جه عليا

ماهي بصت ليها بفز.ع و قالت:-

لا يا ملك أبوس ايدك خليكي انتي اضر.بي متسبنيش ليها

ملك بشـ ـر :- عنيا حاضر يا ماهي يا حبيبة قلبي انتي عارفة إني بحبك لله في لله صح

و قامت من عليها و هي يتقول:-

يلا يا منه دورك أول ما تخلصي نادي عليا أكون جهزت حاجة تانية و جريت على المطبخ

منه نازلة ضر.ب فوق ماهي و هي بتقول:-

قوليلي كنتي عاوزة اية تضحكي على حازم و تاخدي منه قرشين ؟ طب انا هديكي ميت قرش عدي معايا بقي

ماهي بصر.يخ :- مش عاوزه حاجه م عاوزة أنا آسفة والله سبيني و مش هتشوفي وشي تاني

منال سابت حازم و جريت عليهم زقت منه و قالت:-

أخص عليكي يا منه كدا تبهدلي الضيقة كدا

و نزلت لمستوي ماهي و قالت:-

البهدلة مش كدا يا بنت الصر’مة انتي البهدلة كدا

و مسكت ماهي من شعرها و بقت تجرجرها في الجنينة و منه بتضر.ب فيها بالمقشة و ملك جابت غطا الحلة و بقت تضر.ب على دماغها لحد ما اتفتحت

❈-❈-❈

وليد :- تفتكر هيمو.توها ؟

مالك :- مش مهم كلب و راح تعال نشوف أخوك

الاتنين راحوا عند حازم اللي الدنيا مسودة في عينه و مش مستوعب لسة اللي حصل

بدون كلام الاتنين حضنوه و غمضوا عنيهم بقوا يبثوا لية الأمان

مفاقوش غير على صوت ملوك و هي يتقول بفرحة:-

بابي مامي و منه قتلو.ا البنت الشرير.ة اللي كانت هتاخد حازم مني

كلهم بصوا لـ ماهي لقوها سايحة في دمها و التلاتة واقفين يبصولهم ببراءة و قالوا في صوت واحد:-

طبعاً لو حلفنا أنه مش قصدنا و إن الحماس هو اللي خدنا مش هتصدقونا

مالك :- بنهار أسود حماس خدكم و قالتو.ا البت ؟

ملك :- معلش بقى يا مالك خليها عليك المره دي

وليد :- خليها على اية هي كيلوا بطاطس بنتخانق على سعره ؟

منه :- مالك محموق كدا يخويا تحب ترقض جمبها ؟

وليد حط ايدة على رقبته و قال:-

اعملي اللي تحبيه يا معلمة و أنا هتاوي وراكي

حازم بص على ماهي بقرف و تف عليها و أخد بعضه و مشي و مالك و وليد خدوها على المستشفى

باااك

❈-❈-❈

حازم صحي على صوت المضيفة و هي يتقول:-

وصلنا يا فندم اربط حزام الامان

حازم هز رأسه و ربط الحزام و بص من الشباب و قال:-

عمار يا مصر

قبل كدا بـ ساعة

مالك صحي على صوت المنبه بص جنبه لقي ملك نايمة على كتفه و شعرها على صدره و مغطي وشها

مالك :- ملك اصحي بسرعة مفيش وقت لازم نرجع الفيلا

ملك :- هممم بس بقي سبوني أنام

مالك :- قومي البسي طيب و نامي في العربية

ملك :- هششش بقي

مالك :- بتهشي فرخة طيب يا ملك

بص جمبة لقي كباية ماية مسكها و دلقها فوقها

ملك صحيت و قعدت على السرير بسرعة و هي بتقول:-

اية اللى أنت عملته دا ؟

مالك :- عشان تصحي خلصي بقي على ما اصحي باقي القبيلة

سابها و خرج و ملك لسة بتستوعب

ملك :- هو دلق عليا المية وإلا أنا بيتهيقلي بس دا بيقول اجهزي بيقي دلق و كملت بصوت عالي:-

ينهار ملحوث يا مالك بتصحيني بالماية طب و الله لـ هردها ليك بس الصبر

مالك بيخبط على منال و بيقول:- يا منال يلا متأخرين

منال :- خلاص أنا لبست أهو و ملوك هصحيها اهو

وليد صحي على صوت زعيق ملك ففتح الباب بنوم و قال:-

مالها دي بتزعق على الصبح كدا ليه

مالك :- مش عاوزة تصحي خلص صحي منه خلينا نلحق نجيب أخوك من المطار

وليد هز رأسه و دخل لـ منه صحاها

الكل جهز خلال عشر دقائق و نزلوا تحت

ملوك شافت الواد اللي اتخانقت معاه قبل كدا جريت عليه و ضر.بته على قفاه و قالت:-

صباح الخير يا معلم اوعي تفتكر إنك كدا خلصت مني لا و ألف لا هما يومين او.لعها و اقنعهم يغضبوا تاني و هاجي اوريك انت و عيال الحارة كلها سلام مؤقت و مشيت رافعة رأسها بغرور كأنها انتصرت في حر.ب

كلهم ركبوا العربية و مالك ساق بسرعة و جري على الفيلا

ملك حطت راسها على الازاز و قالت:- طب لما نوصل صحيني يا منه

منه نامت على كتفها ملحقتش حتي ترد عليها

مالك بصلهم في المرايا و قال:-

ناموا نوم الظالم عبادة

ملك :- سمعتك على فكرة بس مش هرد عليك دلوقتي و هتلاقي الرد في وقته حلو

مالك في سرة :- ربنا يستر منها عارفها هتردها ألف

مالك وصلهم البيت و نزلوا

ملوك طلعت نامت من غير كلام و منال و البنات دخلوا يحضروا فطار

أما وليد و مالك راحوا على المطار بسرعة

❈-❈-❈

حازم نزل من الطيارة مبتسم .. بقي يمشي بسرعة متشوق يشوف أخواته جري ختم جواز سفره و أخد الشنط و خرج بسرعة

وليد أو ما شافه قال بصوت عالي:-

حازم حازم و بقي يلوح بإيدة

حازم شافه و ساب الشنط و جري عليه و قال:-

وحشتني أوي يا وليد

وليد بدموع:- و أنت كمان وحشتني أوي معدتش فيه سفر تاني و دا قرار نهائي مفهوش نقاش

مالك كان بيركن العربية و جه عليهم و جري على حازم حضنه جامد و قال:-

وحشتني أوي يا حازم وحشت أبوك أوي

حازم حضن مالك و قال:- غصب عني يا مالك غصب عني

مالك :- مش هتبعد عن حضني تاني أنت فاهم

حازم هز رأسه بايجاب و قال:- مش هبعد عندم تاني يا مالك مش هقدر أبعد عنكم تاني

مالك اخده من ايدة و قال:- تعال دا زمانهم في البيت قاعدين على نار مستنينك

وليد أخد الشنط و حازم مشي مع مالك و هو بيضحك

وصلوا لحد الفيلا و حازم كان لسة هينزل مالك مسك ايدة و قال:-

الكيسة دي اديها لـ ملوك يا حازم فيها ألعاب و شوية حاجات بتحبها و قولها إن أنت جبتهم ليها

حازم :- بس انا فعلاً جايب ليها حاجات كتير مش محتاج تعمل كدا ملوك دي بنتي انا و اوعي كدا خليني أدخل أشوفها

حازم خرج من العربية و مالك بيدعي من جواه إن ربنا يعدي اليوم دا على خير

وليد نزل الشنط و اخدها معاه جوه

حازم داخل و متشوف أنه يشوف ملوك لكن أول من شافت عينه هي منال

منال جريت عليه و بقت تبوس و تحضن فيه و تعيط و تقول:-

كدا تبعد عني يا حازم كل دا اومال لو مكنتش عارف إنك المفضل عندي

حازم :- معلش يا منولة من النهارده مش هبعد عنك تاني أبدا

منه جت جري سلمت عليه و قالت:- حمد الله على سلامتك يا حازم وحشتنا و إياك شوف إياك تبعد عننا تاني البيت ملوش طعم من غيرك

وليد بسخرية:- لا و انتي الصراحة بتسيبي حاجة من غير ما تكليها سواء كان ليها طعم أو لا

منه بتذمر:- خليك سادد نفسي كدا علطول

حازم بص ليهم و قال:- هتفضلوا زي ما انتم كدا و قال لـ منه

و إنتي كمان وحشتيني اوي يا منه

حازم دخل لقي ملك بتقرأ في مجلة و بتبص ليه من تحت لـ تحت قرب منها و مسك المجلة عدلها ليها و قال:-

حقك عليا يا أم ملوك عارف إنك زعلانة مني بس غصب عني سامحيني يا ملك

ملك قلبها حن ليه و قالت بدموع:-

هسامحك بس بشرط

حازم بلهفة:- موافق على أي حاجة تقوليها

ملك :- مش هتسيبنا و تمشي تاني صح ؟

حازم هز رأسه بايجاب و قال:- مش هسيبكم خالص والله ما هبعد عنكم تاني

الكل عيونة دمعت و دموعه نزلت و حازم بقي يدور بعينه على ملوك و قال:-

فين بنتي حبيبتي راحت فين ؟

ملك :- لسه فيك الخصلة دي يا حازم و معتبر ملوك بنتك

حازم:- طبعا دي بنتي الأولي هي فين

ملك :- نايمة فوق

حازم طلع ليها جري و مسمعش كلامهم

ملك :- ربنا يستر

حازم دخل لـ ملوك الاوضة لقاها نايمة زي الملاك على السرير راح و باس على رأسها و قال:-

وحشتني يا حبيبت قلب حازم انتي الوحيده اللي غيابك أثر فيا أوي

ملوك كسرت وشها و قالت ينوم :- يا وليد روح شوف أم كرش اللي مش راضية تديني مكرونة بالبشاميل دي

حازم ضحك عليها و باسها من خدها و خرج من الاوضة نزل ليهم تحت و قال لـ منه :-

انتي مش بتأكليها معاكي ليه مكرونة بالبشاميل يا منه البت بتخطرف و هي نايمة و بتقول عليكي أم كرش

منه :- بصوا حتي و هي نايمة مش عاطية ليا إهتمام انا راحة أكل أحسن

حازم قال ببلاهه :- دا شكل ملوك عندها حق بقي

منه :- كسر حقها بنت ملك اللي مدوخة البيت كله واها دي

منال خدت حازم و قالت:-

تعال يا حبيبي كل شكلك هفتان مكنتش بتاكل كويس لية وأنت هناك

انتي خاسس كدا لية و خدته على السفرة و قالت:-

قولي نفسك تاكل اية عشان اعملهولك يا حبيبي

حازم :- والله أنا مش عاوز حاجة بس ممكن تعملوا مكرونه بشاميل عشان ملوك عاوزة منها

ملك :- ملكش دعوة بملوك هي هتعرف تصرف نفسها دي تربية منال يخويا

حازم:- نهار أسود علمتوا البت الانحر.اف

مالك :- لا يا حبيب أخوك هي نازلة الميول عندها بس منال وجهيتها صح

حازم لسه هيرد عليه لقوا ملوك نازلة على السلم و هي بتقول بزعيق:-

انتي يا أم كرش استغليتي إني نايمة و هتخلصي كل الأكل والله اجي أضر.بك في كرشك دا انزلك الواد ها

حازم ضحك و قام وقف قدامها و قال:- ملوك

ملوك سمعت صوته صرخت و جريت على مالك و هي بتقول:-

بابي هيزعق لـ ملوك و يضر.بها

مالك بلع ريقة بصعوبة من صعوبة الموقف و حازم اتصدم من تصرفها و عينه دمعت و ملوك بقت تستخبي في حضن مالك جامد

حازم بصوت واطي:- ملوك

ملك راحت أخدت ملوك من مالك و راحت لـ حازم و ملوك بقت تعيط و ترجع لورا و مش عاوزة تروح

ملك نزلت لـ مستواها و قالت:-

ملوك بصيلي و بطلي عياط

ملوك هزت رأسها بالنفي و قالت:- عاوزة بابي انتوا كلكوا وحشين

ملك مسكت وشها بإديها و قالت:-

مش إنتي بتحبي مامي ؟

ملوك هزت رأسها بايجاب و قالت:- اه بس أنا عاوزة بابي

ملك :- انتي مش عاوزة حازم .. دا حازم اللي بيحب ملوك مش عاوزه تسلمي عليه

ملوك بصت لـ حازم بخوف و قالت:- هيزعق لـ ملوك و ليكي يا ملك تاني

حازم هز رأسه بالنفي و قال:- عمري ما هزعل ملوك و ملك تاني أنا بحب ملوك قد الدنيا دي كلها

ملوك بصت لـ ملك و ملك هزت رأسها بايجاب و قالت:- حازم بيحب ملوك قد الدنيا كلها و ملوك كمان بتحب حازم بس كان زعلانة منه شوية صغيرين مش كدا

ملوك هزت رأسها بايجاب و قالت:- اه عشان هو زحقلي جامد اوي يعني

ملك همست في ودنها:- حازم بيحب ملوك أوي أوي اجري اديله حضن كبير أجري عشان هو زعلان إن ملوك زعلانة منه

ملوك جريت على حازم و قالت:- انت مش هتزعل ملوك تاني و هتعمل كل حاجه حلوه ليها صح

حازم نزل لـ مستواها و قال:- عمري ما أقدر أزعل ملوك تاني

حضنها جامد.و دموعه نزلت و قال:- ملوك دي حبيبت حازم أصلا و حازم مش هيقدر يبعد عنها تاني ابدا ابدا

الكل دموعه نزلت من الموقف و ملوك بقت ايديها حولين رقيت حازم و قالت:- و ملوك كمان بتحب حازم أوي يا حازم

حازم شالها و بقي يلف بيها و يرميها في الهوا و ملوك

صوت ضحكها ملئ الفيلا كلها

الكل بقي يبص عليهم بفرحة و يحمد ربنا إن الموضوع عدي على خير

حازم حاضن ملوك و مش راضي يسيبها و ملك بتفكر بخبث

– انت بتحب ملوك أوي كدا يبقي هي اللي هتاخد حق الكل استعد يا حازم جميلة و بنتها راجعين

يتبع....

     الفصل العاشر الجزء الثاني من هنا

تعديل المقال